Тарихы терең, тағзымы биік – ескерткіштер

18 сәуір – Халықаралық тарихи ескерткіштерді қорғау күні. Атаулы күнге орай,мектеп ғимаратының жанындағы 1941 - 1945 жылдардағы Ұлы отан соғысына қатысқан жауынгерлерге арналып қойылған ескерткішінің алдында «Тарихы терең, тағзымы биік – ескерткіштер» атты іс-шара өткізілді. Мәдени-тағылымдық іс-шараны өткізудегі мақсат - жас ұрпақты тарихи құндылықтарымызбен таныстыру, тарихи ескерткішіміз – мәдени мұраларымызды қастерлеп сақтауға, жастардың Отанға, елге, жерге деген патриоттық сезімін арттыру, құрметтеуге шақыру, сондай - ақ, жастарды ескерткіштер мен тарихи жәдігерлерді сақтауға үйрету болып табылады. Ескерткіштер қашанда ұлттық тарихымыз бен мәдениетіміздің құнды жәдігерлері болып табылады. Ескерткіштер әрбір елдің тарихы мен өткенінен сыр шертер халықтың ұлттық байлығы ғана емес, сол елдің өткені мен бүгінін саралауға мүмкіндік беретін маңызды құрал. Ескерткіш мұралары көне тарихтың куәсі. Олай болса, оларды насихаттау әрбір азаматтың парызы, сонымен қатар қамқорлығы болмақ. Қазіргі кездегі жастардың басты алға қойған мақсаты - ескерткіштерді танып, оларды сақтап баптау. Шара барысында жас буын тарихи ескерткіштерге қатысты мәліметпен танысып, өлеңдерін оқып тарихи құндылықтарға деген өз құрметтерін білдірді. 5"А",5"Г" сынып Сынып жетекшілері Жақсылық П.М.,Дуйсембаева С.Д.